| Virtual dünyanın nəhəngləri olan Microsoft və Yahoo internetdə ortaq axtarış sistemi üçün razılığa gəliblər. Müqavilə, dünyanın ən böyük proqram şirkəti olan Microsofta internetdə ən böyük ikinci axtarış sistemi qurmaq üçün imkan verəcək. 10 illik müqavilə ilə Microsoft internetdə ən böyük axtarış sistemi olan ''Google''-a qarşı önəmli bir fürsət yaxalayıb. Yeni axtarış sisteminin adı isə "bing" olacaq. Razılığa əsasən Yahoo ilk 5 ildə reklam gəlirlərinin 88% əldə edəcək, hətta Microsoftun bəzi internet saytlarında reklam satmaq hüququna yiyələnəcək. Yahoo razılaşmanın illik gəlirini 500 milyon dollara qədər artıracaq və bununla da özünün axtarış sisteminə qoyulan sərmayəni azaldaacaq. Microsoftun direktoru Stiv Balmer deyib ki, bu müqavilə ilə "Bing"-in lazımi rəqabət gücünə qovuşacağını deyib. Google-u nəzərdə tutan Balmer bununla da axtarış sistemində istifadəçilər və reklamçılar üçün alternativ olacaqlarını bildirib. Yahoo-nun nümayəndəsi Karol Bartz isə bununla da internet sistemindən yeni bir dövrün başladığını deyib. Microsoft internet axtarış bazarında öz gəlirini artırmaq ümidiylə bir neçə ildir ki, Yahoo ilə müqaviləyə can atırdı. Şirkətn 1 il əvvəl ''Yahoo''-ya təqdim etdiyi 47 milyard dollarlıq təklif qəbul olunmamışdı. Ancaq Yahoo-nun qurucu ortaqlarından Cerri Yanqın idarə heyətindən ayrılmasından sonra müqavilə gerçəkləşib. Yahoo dünya səviyyəsində axtarış bazarında 8%, Google isə 67% paya malikdir. ABŞ-da isə ''Google''-un payı 65%, Yahoo-nun isə 20%dir. RƏYİNİZİ BİLDİRMƏYİ UNUTMAYIN!
| 
